Monday, May 3, 2010

ਨਾਵਲਕਾਰ ਜੱਗੀ ਕੁੱਸਾ ਨਾਲ ਮਿਲਣੀ -ਗਿਆਨ ਸਿੰਘ ਕੋਟਲੀ

ਨਾਵਲਕਾਰ ਜੱਗੀ ਕੁੱਸਾ ਨਾਲ ਮਿਲਣੀ 
ਗਿਆਨ ਸਿੰਘ ਕੋਟਲੀ

           ਬਡ਼ੀ ਜਾਨਦਾਰ ਤੇ ਸੁਹਜ ਭਰਪੂਰ ਬੋਲੀ ਵਿਚ ਸਮੇਂ ਦਾ ਸੱਚ ਨਿਧਡ਼ਕ ਹੋ ਕੇ ਚਿਤ੍ਰਨ ਵਾਲੇ ਅਠਾਰਾਂ ਵੀਹ ਨਾਵਲਾਂ ਦੇ ਰਚਨਹਾਰ ਸ਼ਿਵਚਰਨ ਜੱਗੀ ਕੁੱਸਾ ਪਿਛਲੇ ਦਿਨੀਂ ਇੰਗਲੈਂਡ ਤੋਂ ਵੈਨਕੂਵਰ ਪਧਾਰੇ । ਕੁੱਸਾ ਦੇ ਉਪਾਸ਼ਕਾਂ ਤੇ ਪਾਠਕਾਂ ਵਲੋਂ ਉਹਨਾਂ ਦੇ ਸਨਮਾਨ ਵਿਚ ਇਕ ਵਿਸ਼ੇਸ਼ ਪਿਆਰ ਮਿਲਣੀ ਦਾ ਪ੍ਰਬੰਧ ਜਰਨੈਲ ਸਿੰਘ ਆਰਟਿਸਟ ਨੇ 12 ਅਪ੍ਰੈਲ ਨੂੰ ਜਰਨੈਲ ਆਰਟਸ ਸਟੁਡੀਓ ਅਤੇ ਗੁਰਦੀਪ ਆਰਟਸ ਅਕੈਡਮੀ ਸਰ੍ਹੀ ਵਿਖੇ ਕੀਤਾ । ਸੰਸਾਰ ਭਰ ਵਿਚ ਬਹੁਤ ਸਾਰੀਆਂ ਵੈਬਸਾਈਟਾਂ ਅਤੇ ਨਾਮਵਰ ਅਖਬਾਰਾਂ ਰਸਾਲਿਆਂ ਵਿਚ ਪਡ਼੍ਹੇ ਜਾਣ ਵਾਲੇ ਸ਼ਿਵਚਰਨ ਜੱਗੀ ਨਾਲ ਮਿਲ ਬੈਠਣ ਦਾ ਲਾਹਾ ਲੈਣ ਲਈ ਸਥਾਨਕ ਸ਼ਖਸੀਅਤਾਂ ਨੇ ਖਾਸ ਤੌਰ ਤੇ ਸਮਾਂ ਕੱਢਿਆ ਅਤੇ ਉਹਨਾਂ ਨਾਲ ਵਿਚਾਰ ਸਾਂਝੇ ਕਰਦਿਆਂ ਉਹਨਾਂ ਵਲੋਂ ਕੀਤੀ ਜਾ ਰਹੀ ਪੰਜਾਬੀ ਬੋਲੀ ਦੀ ਵਡਮੁੱਲੀ ਸੇਵਾ ਦੀ ਸ਼ਲਾਘਾ ਕੀਤੀ । ਸਿੱਖ ਮਹਾਨ ਕੋਸ਼ ਦੇ ਕਰਤਾ ਡਾ: ਰਘਬੀਰ ਸਿੰਘ ਬੈਂਸ, ਸ਼ਾਇਰ ਨਦੀਮ ਪਰਮਾਰ, ਜਰਨੈਲ ਸਿੰਘ ਸੇਖਾ, ਡਾ: ਦਰਸ਼ਣ ਗਿੱਲ, ਪ੍ਰ: ਗੁਰਵਿੰਦਰ ਸਿੰਘ ਧਾਲੀਵਾਲ, ਸੁਖਵਿੰਦਰ ਸਿੰਘ ਚੀਮਾ, ਗੁਰਚਰਨ ਸਿੰਘ ਟੱਲੇਵਾਲੀਆ, ਦਰਸ਼ਣ ਸਿੰਘ ਮਾਨ, ਬੀਬੀ ਰਾਜਵੰਤ ਕੌਰ ਮਾਨ, ਗੁਰਦੀਪ ਸਿੰਘ ਭੁੱਲਰ, ਗੁਰਮੇਲ ਸਿੰਘ ਬਦੇਸ਼ਾ, ਹਰਦੇਵ ਸਿੰਘ ਗਰੇਵਾਲ ਤੇ ਹੋਰਨਾਂ ਨੇ ਹਾਜ਼ਰ ਹੋ ਕੇ ਉਹਨਾਂ ਦੇ ਬਹੁ ਪੱਖੀ ਵਿਚਾਰਾਂ ਦਾ ਅਨੰਦ ਮਾਣਿਆ । ਇਸ ਅਵਸਰ ਤੇ ਗਿਆਨ ਸਿੰਘ ਕੋਟਲੀ ਨੇ ਆਪਣੀਆਂ ਦੋ ਕਾਵਿ ਪੁਸਤਕਾਂ: "ਨਾਨਕ ਦੁਨੀਆਂ ਕੈਸੀ ਹੋਈ ਅਤੇ "ਨਾਨਕ ਸ਼ਾਇਰ ਇਵ ਕਹਿਆ" ਕੁੱਸਾ ਜੀ ਨੂੰ ਭੇਟ ਕੀਤੀਆਂ ।

*************

No comments:

Post a Comment